Napule, popolo e Dio - ed. Polosud - agosto 2006

“Il passato in sé non serve a niente,
 rischia di essere il culto mortuario
di una tradizione che nessuno più conosce.
 Bisogna sezionarlo, violentarlo, renderlo umoralmente vivo:
 per aver forza, la tradizione deve ripassare
nel sangue vivo delle nostre vene e nella nostra carne.
 Ma il fatto è che bisogna avere sangue e carne”  (R. De Simone)

Nell’affrontare questo lavoro non potevamo non appoggiarci, in gran parte, sull’operazione già compiuta con assoluta maestria e bellezza, da Roberto De Simone... (dall'introduzione contenuta nel libretto del disco)

-----------------------------------------------------------------------------------------------------------------------------------------------------------------------------

Rosa d'argento e rosa d'ammore (R. de Simone, ed. EMI)

Quanno la Mamma parturì a 'stu Figlio,
tutti li santi jettero a cunziglio.

Tanno la luna e tanno lu viaggiare,
tanno lu figlio sull'onda del mare.

Bello lu mare,bella la marina,
bella la luna quanno ce cammina.

Cunocchia d'oro, fronna de castagna,
viaggia la Mamma e lu mare l'accumpagna.

'Stu figlio mio è bello cchiù de tutti,
comm''a lu grano sopra l'auti frutti.

Li rose e li vviole nun so' asciute
e chistu figlio mio ni và vistute.

Madonna de la grazia

Regina de lu cielo
Divina maestà
chesta grazia ca te cerco
fammella pe' pietà.

Madonna de la grazia
ca ‘mbraccio puorte 'a Grazia
a Te vengo pe' grazia
o Maria famme gra’.
Famme grazia o Maria
comme Te fece lu Pateterno
ca Te fece mamma de Dio
fance grazia o Marì. 

Fammella o Maria
fammella pe' carità
pe' li doni ca riceviste
dalla Santissima Trinità. 

Madonna de la grazia... 

Scese l'angelo da lu cielo
e Te venne a salutà
annunzià venne o Maria
e nuie cantammo l'Avemmaria.

Madonna de la grazia...

La leggenda del lupino (R. de Simone, ed. EMI)

A Betlemme se iettaje lu banne
contr’a criature sott’a li dduje anne.
Fuje Maria cu nu ruosse schiante
lu figlie arravugliate rint’a lu mante.
E li giudei nun hanne riciette
a ogni mamma sbatte lu core ’mpiette.

Fuje Maria e va pe’ la campagna
ca l’angelo da ciele t’accumpagna.

Oje lloche ‘nu giudeo cu ’na brutta faccia
le vo’ levà lu figlie da li braccia.
Fuje Maria e corre senza sciate
lu Bambenielle zitte e appaurate.
E attuorne attuorne nun ce sta repare
sule ciele scupierte e tiempe amare.

Curre Maria ca viente s’avvecine
curre e annascunne a Giesù Bambine.

Quanne ’a Maronna perze se verette
a ogni fronna «aiute! aiute!» ricette.
Frutte ’e lupine mie, frutte ’e lupine
arrapete e annascunne lu mio bambino.
«Vattenne!» lu lupine rispunnette
e forte forte le fronne sbattette.

Lupine ca tu fuste amare assaje
sempe cchiù amare addeventarraje.

E doppe ca lu lupine se ’nzerraje
Maria a n’albere ’e pigne tuzzuliaje.
Frutte ’e pignuole mie, frutte ’e pignuole,
arapete e annascunne lu mio figliuolo.
E subbete lu pignuole s’arapette
e mamma e figlie ’nzine annascunnette.

Reparete reparete Maria
ca li giudei so ghiute p’ata via.

E doppe ca lu Bambine se salvaje
cu la manella santa lu carezzaje.
Pignuole tu puozz’esse beneritte
ca reparaste a Die zitto zitto.
Si ogge bbuone tu aviste lu core
de ‘ncienze sante purtarraje l’addore.

E donna e lu Bambino se salvajeno
’na mane peccerella ’nce lassajeno.
Pignuole tu che a Dio t’arapiste
‘nce purtarraje la mane ‘e Giesù Criste. 

A suffragio 

A suffragio a Maronna s’è presentata
C’’o rusario c’avimmo ditto
Quanta grazie ‘nce faciste
E si avesse n’appresentanza
Figlio figlio che bbuono ammore
Ca io songo nu peccatore 

E cussì sia, cussì sia,
fance ‘a razzia ‘o Maria 

E pe’ grazia ca ‘nce diste
E pe’ grazia ca ‘nce faciste
O Maria lu parturisti
E cu’ tutto ca je ce vengo
Je voglio ‘e tuoje cuntente
Voglio amare lu sacramento
Voglio amare lu lietto mio
int’a lu nomme de Maria 

E cussì sia, cussì sia,
fance ‘a razzia ‘o Maria

Maria bella Maria bella
“Nun c’è Ddio, nun c’è flagello“
“Cuorpo mio nun tanto justo
Quanno muore vai all’Inferno
E ‘nce vaje cu’ tanto sgusto
P’annià sempe l’Eterno”

E cussì sia, cussì sia,
fance ‘a razzia ‘o Maria

O Maria ‘nce faje ‘na razzia
E cu’ st’anema toja me sazio
E me sazio ‘o Purgatorio
O Maria della Vittoria
Je so’ ‘nu cristiano
E crere ca ‘nce Ddio
L’uterno bene mio
Ca je mò ‘nterra sò scesa
Pe’ giudicà li vive e i muorte
Ca lu nnemmico è forte
Liberatemi Onnimaria
Vonno la morte mia
E cu stanema toja abbracciata
E cu’ st’anema toja me sazio
E me sazio ‘o Purgatorio
O Maria della Vittoria

E cussì sia, cussì sia,
fance ‘a razzia ‘o Maria

Vergine mamma bella

Vergine mamma bella
Figliata da lu figlio
Riggina puverella
‘A storia a te s’appiglia

Tu nobbele faciste
L’umana condizione
Quanno lu Pate ‘e Cristo
De Te fu concezione

Già ‘nzino a Te Signora
L’Ammore s’avvampaie
E ‘ncielo p’’o calore
‘Stu sciore se sguigliaje

Tu ‘ncielo bellu nomme
Si’ ‘o sole de l’ammore
Sghizze speranza all’omme
Funtana ca nun more

Signora accussì grande
Mantienece da sotto
Chi a Te nun fa dimande
Vola cu ‘e scelle rotte

O mamma chiena ‘e bene
A Te nuje ce affidamme
L’ammore tuojo ce vene
Primma ca t’’o cercamme

Cu tte misericordia
E ‘o buono ‘e ogni creatura
Cancella ogne discordia
Mamma de peccature

Vergine mamma bella
Figliata da lu figlio
Riggina puverella
‘A storia a te s’appiglia

Maronna ‘e ll’arco 

Chi è devoto ‘a Maronna ‘e ll’Arco
Sorella Maronna

Maronna ‘e ll’arco mia, Maronna ‘a ll’arco
Io so’ venuto a te anema e core
E si nun so’ sincero fa che me moro
Maronna ‘e ll’arco mia, Maronna ‘a ll’arco

Ce sta ‘na folla fino ‘a sotto ‘a porta
‘ncoppo all’’altare se ‘ncatasta ‘a ggente
‘nnante ‘a stu quadro bello e cummuvente
ce sta ‘na folla fino ‘a sotto ‘a porta

Chi pe ll’ammore e chi pe’ malatia
Te veneno a prià ogni mumento
E a uno a uno Tu li faje cuntente
Chi pe ll’ammore e chi pe’ malatia

Ogge che è ‘a festa Toja famme ‘sta grazia
Miettece ‘a mana Toja ‘ncoppo a stu male
E tant’ammore dint’’o mio carnale
Ogge che è ‘a festa Toja famme ‘sta grazia

Maronna ‘e ll’arco mia, Maronna ‘a ll’arco
Io so’ venuto a te anema e core
E si nun so’ sincero fa che me moro
Maronna ‘e ll’arco mia, Maronna ‘a ll’arco 

Canto della parenti di San Gennaro 

Pe’ lu sanghe e pe’ la testa liberace d’’e tempeste!
Pe’ la testa e pe’ lu sanghe liberace a tutte quante!
San Gennaro mio fa tu ca io nun ne pozzo proprio cchiù
La speranza e la mia fede tutta sta riposta in Te
Tu ‘o vvide e Tu ‘o ssaje arrimmierece chisti guaje

Popolo mio va te cunfessa
popolo mio e nun peccare cchiù
Chisto è stato San Gennaro
c’ha priato lu buon Gesù
Viva viva lu Protettore
viva viva San Gennaro
che de Napule è lu Patrone
e viva ‘o gran Santone

E lu Pate sia ludato
e lu Figlio e lu Spiritussanto
Chè San Gennaro è grande e dona tanto
San Gennaro mio putente
prega a Dio pe’ tanta gente
San Gennaro mio protettore
prega a Dio nostro Signore
Chè San Gennaro è grande e dona tanto

Jesce e fance ‘a grazia cavaliere ‘e Giesucristo
Putenzia ‘e San Gennaro puteggece
Sanghe ‘e San Gennaro defennece
Clemenza ‘e San Gennaro cunzolace

Viva viva Giesù e Maria
e viva viva San Gennaro
San Gennaro è gluriuso
San Gennaro è miraculuso
E popolo mio fa festa
e pe’ tutta la città
che bella grazia ca ‘nce ha fatto
San Gennaro ringrazziamme

E lu Pate sia ludato
e lu Figlio e lu Spiritussanto...

Tu sempe nc’haje cunzulate e sempe nc’haje cunzulà
sempe nc’haje difese e sempe nc’haje defennere
sempe nc’haje aiutate e sempe nc’haje aiutà
e in vita e in morte nun ce abbandunà

Da tanne ‘nzì a chest’ora
cillu sanghe bolle e vive
e viva lu grande Iddio
che a nuje lu destinò

E lu Pate sia ludato
e lu Figlio e lu Spiritussanto... 

La Santa Allegrezza

Nuje cantammo la Santa Allegrezza,
Maria bellezza maggiore ce dà!
S'è incarnato lu Verbo di Dio,
lasciando a Maria la verginità.
Cosa ‘mpurtante,
lo Patre, lo Figlio e lo Spirito Santo!

Quanno tu gravida fuste Regina,
lu cielo de stelle faciste stupire;
quanno l'intese Giuseppe devoto,
cercava nu luogo per partorire.
Cosa n'ce prega,
Giuseppe e Maria ce cercan la fede. 

E San Giuseppe, patriarca supremo
pe' dare lo fieno ne apre la mano;
e si nun era la mano di Dio,
lu cielo sereno pe' letto n'avria.
Dove reposa,
è la bellezza di tutte le cose!

Quanno in viaggio la coppia si mise,
n'angelo scese dal gran Paradiso,
p'accumpagnarcela passo pe' passo
e pe’ difenderla da Satanasso.
Verbo di Dio,
quanno in viaggio si mise Maria.

Ma gran pericolo deve passare
la Vergine bella del cielo e del mare;
e se un serpente il piede l'arresta,
la Verginella ci schiaccia la testa.
Luce la strada,
durecei stelle Maria è 'ncurunata.

Po' nel cammino, per farla passare,
s'aprono pure le onde del mare;
cantano tutte le acque del mondo,
per questa vergine bella e gioconda.
Luce divina,
quanno Maria sopra all'acqua cammina.

E San Giuseppe, dal giglio d'argento,
va con la sposa nel freddo e nel vento,
e quando il vento si sente più forte,
bussa Giuseppe a tutte le porte;
fa l'addimanda,
ma non c'è posto int'a cchesta locanda.

Soffre Maria e la mano ce tremma,
quanno n'arrivano a Betlemme;
pe’ chesta coppia che il freddo l'agghiaccia,
tutti ci chiudono la porta n'faccia.
Mmiezo a la via,
nasce il mistero del Verbo di Dio!

E in mezzo al cielo Maria tutta pura
e sotto i piedi ci spunta la Luna.
Vergine bella che andasti e venisti,
pe' gghire truvanno la croce de’ Cristo.
Per redenzione
dell'umana generazione.

Quanno nascette Ninno a Betlemme,
era notte e pareva miezzojuorno...
Maje le stelle, lustre e belle,
se vedèttero accussí...
e 'a cchiù lucente,
jette a chiammá li Magge a ll'Uriente.

Co' tutto ch'era vierno, Ninno bello,
nascettero a migliara rose e sciure...
Pe' nsi' 'o ffieno, sicco e tuosto,
ca fuje puosto sott'a tte,
se 'nfigliulette
e de frunnelle e sciure se vestette...

Non c'erano nemice pe' la terra:
La pecora pasceva co' lione
Co' capretto se vedette
'o liupardo pazzeá...
Ll'urzo e 'o vetiello
e, co' lo lupo, 'mpace 'o pecoriello.

S'arrevotaje 'nsomma tutt''o munno:
lo cielo, 'a terra, 'o mare e tutt''e ggente...
Chi dormeva, se senteva
'mpiett''o core pazzeá
pe' la prejezza;
E se sonnava pace e contentezza...

Guardavano le ppecore, 'e Pasture...
E n'Angelo, sbrennente cchiù d''o sole,
Comparette e lle decette:
- Nun ve spaventate, no!
Contento e riso!
la terra è addeventata Paraviso! -

A vuje è nato ogge, a Bettalemme,
d''o munno, ll'aspettato Sarvatore...
Dint''e panne 'o trovarrite,
non potite maje sgarrá,
arravogliato...
e dint'a lu Presebbio corecato...

Zompanno comm'a ciévere ferute,
jettero li pasture a la capanna...
Llá trovajeno a Maria
co' Giusepe e 'a Gioja mia
e 'nchillo Viso
provajeno no muorzo 'e Paraviso..

La nonna che cantajeno a me mme pare
ch'avett''a èsse' chella ca mo dico:
Ma 'nfrattanto io la canto,
'mmaggenateve de stá
co li pasture
vicino a Ninno bello vuje pure...

Viene suonno da lu cielo,
viene adduorme a sto Nennillo...
pe' pietá ch'è piccerillo,
viene suonno e nun tardá.
Gioja bella de sto core,
vorría suonno addeventare,
doce doce pe' te fare
st'uocchie belle addormentá...
Ma si Tu, p'essere amato,
Te si' fatto Bammeniello...
Sulo Ammore è 'o sonnariello
che dormire te pò fá...
Ment'è chesto puó' fá nonna
pe' te st'arma è arza e bona
T'amo t'a’...Uh, 'sta canzona
giá t'ha fatto addobbecá!
...T'amo Dio, bello mio
t'amo Gioja, t'amo, t'a’...

Nennillo mio Tu si' sole d'ammore!
Faje luce e scarfe pure 'o peccatore...
Quanno è tutto niro e brutto
comm'a pece, tanno cchiù
lo tiene mente...
e 'o faje addeventá bello e sbrennente...

Viato a me si aggio 'sta fortuna!
Che maje potesse cchiù desiderare?
O Maria, speranza mia
mentr'io chiagno, prega tu;
penza ca pure
si' fatta mamma de li peccature.

Quann'io nascette ninno 'a cuorpo a mamma,
a Napule nascette muorto 'e famma.
E muorto 'e famma nun appena nato,
mammella mia dicette :"E' nato un'altro sventurato".

Si 'ntiempo nun veneva
da cielo lu guaglione
ca p'essere sguazzone
nce priggiaje.
Ce fà' venire a mente
la lummenosa stella
la bella 'rutticella
e li pasture.
Ch’appena che vedettero
lu cielo alluminato
dicettero era nato
lu Messia

Chiagnenno appena nato int'a 'stu lietto,
cercaie da mammélla 'a zizza 'mpietto.
Ma zuca che te zuca 'stu nennillo che te pesca?
Da chella zizza 'o latte era comma ll'acqua fresca!
Cchiù zuca ca te zuca e chillu pietto cchiù s'arrogna,
zucanno me 'mparaie a sunare la zampogna.....
Nuvena,nuvena,Natale mò vene
ma cu 'sta nuvena cchiù famme me vene,
verenn''o magna' pe' chi tene 'e quattrine,
verennolo sulo adderet''e vvetrine,
e allora me cocco cu tutt''e calzine
e 'a notte me sonno ca nasce un bambino
che nasce 'e rimpetto a 'na bella cantina,
cu addore 'e suffritto,cu tre litr''e vino,
n'appesa 'e sacicce,nu bellu capone,
anguille ammescate cu lu capitone,
castagne r''o prevete,noce e nucelle,
'nzalata 'e rinforzo cu lu susamiello...
Ma senza renare,
'a nott''e Natale,
me fummo 'na pippa
e me vaco a cuccà...  

Dio a l’ommo

Primmo che luce e angelo
avess’io creato,
ommo crudele, ‘ngrato,
pensaje pe’ te sarvà.
Tanno dicette figliemo:
corr’io quando vorraje.

I' te voglio bene assaje
e tu nun pienze a me

‘Nchiaccato ncuorp’a mammeta
la corpa te facette,
ma ‘o sango mio spennette
pe te putè lavà.
E pò te dette n’angiolo
che vene addò tu vaie...

I' te voglio bene assaje...

Vi’ ca li juorne fujeno!
La morte n’aspettare:
si a me tu vuò turnare
nun fa difficultà.
Nun fa’ cunn’a tant’autre
dicenno: e ogge e craie...

I' te voglio bene assaje...